Лекарите од клиниката во Гренобл во среда го започнаа процесот на будење од кома на Михаел Шумахер, а само еден ден подоцна излегоа неофицијални информации дека Германецот накратко ги отворил очите...



Процесот на закрепнување од сериозни повреди на главата после несреќата за време на скијање, може да потрае неколку месеци или години, а првите прогнози биле дека поранешниот Формула 1 возач би требало во наредните 2 месеци да се оспособи за комуникација.

Шумахер треба од кома да премине во "летаргична" состојба, кога би требало да одговара со трепкање на окото, устата и помрднување на рацете.



Според неофицијалните информации на француските медиуми, Шумахер трепнал само еден ден подоцна откако лекарите започнаа со процесот на будење.

„Резултатите од првите тестови треба да бидат позитивни“, рекол новинар од „Bild“ на Twitter.