После еден месец во вештачка кома по несреќата од скијање, лекарите на клиниката во Гренобл започнале со процесот на будење на шампионот на Формула 1, Михаел Шумахер...



Шумахер реагира позитивно на овој процес и ова се најдобрите вести за неговата состојба уште од 17 јануари, кога беше потврдено дека е во стабилна состојба, пренесуваат француските медиуми.

Лекарите го преземале овој чекор бидејќи притисокот во мозокот е стабилен.

Според многу експерти, четири недели се максимум дозволен период за пациент да биде во кома.

За следните два месеци се предвидува дека Шумахер ќе биде во летаргична состојба. Ќе се работи на обновување на неговите способности за комуницирање, прво со наједноставните команди за отварање и затварање очи, отварање уста, помрднување на рака, и.т.н.



За понатамошното закрепнување на Михаел Шумахер се уште ништо не може да се предвиди.

„Потребни се неколку години за да закрепне човек од такви тешки повреди на главата“, вели професорот и невролог, Жан Лук Тровел.

Шумахер уште од 29 декември е во вештачки предизвикана кома, откако доживеа сериозни повреди на главата кога падна за време на скијање во Франција.