Со векови запечатена гробница во една пештера во близина на Ерусалим, археолозите за прв пат откопаа еден современик на Исус Христос...

...и успеале да докажат дека контроверзното Торинско платно не е автентично, односно дека во него не било замотано Исусовото тело. Археологот Шимон Гибсон, рекол дека со ова откритие "добиле џекпот", бидејќи во околу 1000 гробници, ископани во околината на Ерусалим, досега не пронашле никакви остатоци. Платното во кое било замотано телото, било едноставна ткаенина, за разлика од торинското платно, кое има ткаенина слична на онаа од Средниот век.

Токму оваа разлика, докажува дека Торинското платно е лажно. Да се потсетиме, во почетокот на октомври од страна на Luigi Garlaschelli од универзитетот во Павија, објави дека успеал да го реплицира Торинското платно, и дека тоа е всушност дело на човечка рака. Garlaschelli го направил дупликатот на Торинското платно користејќи материјали и хемикалии кои биле достапни во 14-ти век, кога всушност платното пристигнало во Европа.

Garlaschelli тврди дека неговата студија само дополнително ја зајакнала теоријата од 1988 година, кога група научници утврдиле дека платното е направено во 13-ти или 14-ти век. Станува збор, да се потсетиме, за парче ткаенина на кое се наоѓаат линии на машко тело.

Се верува дека во него бил завиткан Исус по отстранувањето на крстот. Таа ткаенина се чува во катедралата свети Иван Кртсител во Торино. За неговата автентичност се дебатира со децении, и секој научник има докази за поддршка на неговата теорија. Ниту самата црква автентичноста никогаш не ја признала.