Премиерот на Украина Микола Азаров денеска поднел оставка со цел олеснување на решавањето на политичката криза во земјата, која траела два месеци...



„За да се создадат дополнителни можности за политички компромис, со цел да има мирно разрешување на конфликтите, донесов одлука да побарам од претседателот на Украина да ја прифати мојата оставка“, се вели во соопштението на премиерот, пишува руската агенција РИА Новости.

Во меѓувреме започнала и вонредна седница во парламентот, на која ќе се разговара за начините како да се стави крај на 2-месечната криза во земјата, откако претседателот Виктор Јанукович попуштил пред клучното барање на опозицијата за да се укинат драконските антипротестни закони.

Оваа вонредна седница се доживува како пресвртна точка во момент кога има извештај дека владата ја разгледува можноста за воведување на построги мерки, па дури и во случај да пропаднат разговорите во вонреднава состојба со опозицијата, пишува АФП.