Најновите истражувања покажуваат дека за време на најголемиот притисок на Советскиот Сојуз врз Југославија во 1948 година, Јосип Броз Тито размислувал и за бегство од земјата...



После резолуцијата на Информбирото и конфликтот со Советскиот Сојуз, Јосип Броз Тито размислувал дури и да ја напушти Југославија ако Советскиот Сојуз нападне или окупира, пишува Блиц.

„Британските разузнавачки служби испратија податок дека за време на најтешката криза и конфликтот помеѓу Комунистичката партија на Југославија и КП СССР и неговите сателити, `Тито ги контактирал швајцарските власти со намера да дознае дали може да добие азил во земјата`“, изјавува Горан Николиќ, автор на книгата „Тајнлите служби на Велика Британија“, која ќе биде претставена пред јавноста во февруари.