Една жена по наредба на селскиот лидер во источниот дел на Индија, е силувана од 12 мажи како казна за наводна вонбрачна врска, соопштува тамошната локална полиција...



Во село во индиската сојузна држава Западен Бенгал, се наредило таа казна да биде извршена откако 20-годишната жена е фатена со човек од друга заедница, пишува АФП.

Поради оваа казна за силување, полицијата уапсила 12 лица.

„Претседателот на селото свикал итен состанок на локалниот плоштад, каде девојката и нејзиниот љубовник биле врзани за две дрва и им одредиле казна од 25.000 рупии. Родителите на девојката не можеле да платат, па затоа е наредено нејзино силување, додека мажот бил ослободен бидејќи ја платил казната во рок од една недела“, рекол шефот на полицијата Ц. Судакар.

И покрај строгите закони и напорите на владата да се променат ставовите кон жените во патријархалното индиско општество, бројот на пријавени сексуални злосторства во оваа земја е во пораст.