Украинските безбедносни сили ги растурија барикадите поставени од демонстрантите во Киев, по што избувнаа големи судири...



Лекарите што ги лекуваат повредените велат дека засега на улица загинале пет демонстранти.

Во центарот на Киев демонстрантите ја гаѓаат полицијата со камења и молотови коктели, а полицијата возвраќа со солзавец, гранати и гумени куршуми, известува АФП.

АП пренесува дека лидерите на опозицијата побарале од демонстрантите да се воздржат од насилство и да останат на плоштадот во Киев наредните 24 часа.

Тие побарале од Јанукович да ја распушти владата, да распише предвремени избори и да ги укине строгите законски мерки против протестите.



„Вие, господине претседателе, можете да го решите овој проблем. Предвремените избори ќе ја променат ситуацијата без крвопролевање и ние ќе сториме сé за да го постигнеме тоа“, изјавил лидерот на опозицијата Витали Кличко пред околу 40.000 демонстранти на плоштадот на независноста, известува АП.

Украинскиот претседател Виктор Јануковиќ се сретнал вчера со опозиционите лидери, вклучувајќи го и поранешниот боксерски шампион Кличко.

„Полицијата се подготвува да не уапси“, предупредил Кличко, кој ги повикува демонстрантите да останат и да го бранат плоштадот.

Тука можете да ги следите тековните настани во Киев.