Израелската армија соопштува дека извршила воздушни напади врз Појасот Газа, откако палестински екстремисти истрелале пет ракети во Израел...

Палестинските лекари велат дека пет Палестинци се полесно ранети во израелските судири, пишува АП.

Војската прецизира дека сите истрелани пет ракети кон јужниот дел на Израел ова утро, се пресретнати од противракетниот систем "железна купола". Ракетите не предизвикале повреди ниту никакви оштетувања.

Како одговор на ракетните напади се погодени делови во Газа, вклучувајќи ја рампата за лансирање ракети и депоа за оружје. Портпаролот на Министерството за здравство во Газа, Ашраф ал Кидра, рекол дека четири деца и нивната мајка се однесени во болница со полесни повреди.

Во Газа досега никој не ја преземал одговорноста за ракетните напади.