Големиот муфтија на Саудиска Арабија, шеикот Абдул Азиз бин Абдула ал Шеик, изјавил дека со забраната за возење на жените се заштитува општеството од „зло“...



Во својот говор Ал Шеик рекол дека прашањето дали жените треба да добијат право да возат не треба да биде едно од најважните прашања во саудиското општество, пишува АФП.

Ставот на муфтијата излегува во време кога владата на Саудиска Арабија повторно го разгледува прашањето дали да им дозволи на жените да возат автомобили. Саудиска Арабија е единствената земја во светот каде на жените им е забрането да возат, што го осудува цел свет.

Според зборовите на принцот Мохамед, за ова прашање одлучува законодавното тело. Саудиска Арабија нема парламент, туку консултативно тело Советот Шура, кој и дава предлози на Владата за различни прашања. Кралот на Саудиска Арабија, сепак има апсолутна власт во земјата. Се очекува дека со кралски декрет наскоро на жените ќе им биде дозволено да возат.

Полицијата за време на протестите поради забраната за возење за жени, што се одржал минатиот месец, казнила најмалку 16 жени, кои добиле парична казна и биле принудени заедно со машки придружници да ветат дека ќе ги почитуваат законите на кралството.