Во нападите во Ирак денес загинале 15 луѓе, а високо полициско службено лице успеало да избегне убиство...



Во овој бран на насилство што се шири во таа источна земја, уште од почетокот на годината загинале над 6.000 луѓе.

Во проблематичниот град Тикрит северно од Багдад, главна мета бил провинцискиот полициски командант, генерал мајор Џума ал Дулаими. Од тој обид за убиство со автомобил-бомба биле убиени тројца цивили и останале двајца ранети.

Дулаими го избегнал атентатот и поминал неповреден во нападот, пишува АФП.

Бомбаш-самоубиец со автомобил убил тројца полицајци и ранил тројца кај полицискиот контролен пункт во близина на Самара, во истата провинција на Салахедин.



Во меѓувреме во Багдад експлодирала бомба на патот, чија цел била патролата на полицијата во Сахва, при што загинале две лица. Со уште две одделни експлозивни бомби во главниот град се убиени уште четворица.

Секташкото насилство во Ирак зазема пошироки размери веќе неколку месеци пред општите избори, што го принудило Багдад официјално да бара меѓународна помош во борбата против тероризмот.

Иако немало лица за преземање на одговорноста за последните напади, ирачките официјални лица се сомневаат дека зад сето тоа стои „воскреснатата“ Ал Каеда во Ирак, поради близината на крвавата граѓанска војна во соседна Сирија.