Тургул Б.(52) наводно носел експлозиви и се обидел денес да влезе во зградата каде се наоѓа канцеларијата на турскиот премиер Реџеп Таип Ердоган...



Полицајците реагирале брзо и го уапсиле напаѓачот. Обезбедувањето го соборило на земја и испукале неколку истрели во воздух, пишува агенцијата АФП.

Советникот на премиерот, кој сакал да остане анонимен поради правилата за државни службеници, кои им забрануваат да даваат изјави без дозвола на новинарите, потврдил дека полицијата испукала два куршума во воздух како предупредување, по што напаѓачот е соборен на земја и уапсен.

Според телевизијата NTV, напаѓачот им рекол на чуварите дека носи експлозивна направа, а одредени медиуми шпекулираат дека ова бил бомбаш-самоубиец.

Напаѓачот подоцна е пренесен во полициска станица, каде инспекторите го испрашуваат во врска со инцидентот, кој се случил додека Ердоган бил отсутен од неговата канцеларија, затоа што попладне отпатувал во официјална посета на Москва.