Во поплавите во Виетнам 42 лица ги загубиле своите животи, 5 се водат како исчезнати, а околу 10 се повредени...

Поројниот дожд почнал да паѓа на 14 ноември. Околу 430.000 домови и 4.300 хектари ориз се поплавени според најновите денешни податоци, кои ги објавила Националната агенција за контрола на поплави и бури.

Националната агенција за контрола на поплави и бури изјавила дека дождот почнал да се намалува и дека водите во неколку области се повлечени, што допринело до испуштање на вода од неколку хидроцентрали во регионот.



Поплавите го зафатиле градот Хои Ан и поранешниот царски град Хуе, кои се наоѓаат на листата на УНЕСКО за светско наследство.

Локалните власти ги опишале ноемвриските поплави како најлоши во последните неколку децении, кои предизвикале штета во вредност од 10 милиони долари, пишува АФП.