Кучето Либерти му донело човечка нога на неговиот сопственик, а тој ја закопал во градината...



Бил Флауерс минатата недела закопал човечка нога во својата градина поради страв дека ќе биде обвинет за убиство. Ногата ја донело неговото куче Либерти, пишува CNN.

"Јас имам 93 години. Не сакав да одам во затвор за нешто што не сум го направил", изјавил Бил. Неговата ќерка Ширли го принудила да го пријави случајот во полиција, откако дознала што се случило.



Полицијата одлучила со помош на Либерти да дојде до остатокот од телото. Му ставиле специјален ѓердан и со шест други кучиња-трагачи и 30 волонтери почнале да ја "чешлаат" околината. Пронашле череп и ребро во блиската шума.

Властите се уште не знаат дали тие му припаѓаат на маж или жена, а претпоставуваат дека телото е растргнато од див ѕвер. Бил Флауерс раскажал дека ногата ја закопал цела без видливи повреди.