Мештаните на Саница во Босна и Херцеговина останале вчудоневидени кога виделе дека малото езеро пресушило преку ноќ, оставајќи голема дупка, која ја „голта“ и земјата...



Дупката постојано се проширува и претставува закана за околните домаќинства, пишуваат сараевските медиуми.

Селаните тврдат дека најверојатно се работи за подземни води, а допрва се очекува да дојдат експерти, кои би требало да објаснат за што точно се работи.



Локалните медиуми потсетуваат дека ова не е прв ваков случај на ова подрачје. Имало уште една мала дупка малку подалеку од селото Саница.

Овој феномен привлекол големо внимание и многу луѓе од соседните села дошле во Саница за да ја видат оваа необична појава.