Француското семејство Ченеис на крајот на октомври било блокирано во Чикаго, САД, бидејќи британскиот авиопревозник „British Airways“ одбил да го качи нивниот претежок син во авионот...



Поради тоа Кевин (22) можел да се врати во својата татковина само со бродот „Квин Мери 2“.

Кевин Ченеис тежи дури 230 килограми поради хормонално пореметување, поради што неговите родители морале да го носат на третман во познатата чикашка клиника „Мајо“. Од Чикаго до Њујорк Кевин патувал 21 час со воз заедно со неговите родители.

Семејството престојувало на аеродромот во Чикаго, обидувајќи се да најде начин како да отпатуваат, поради одбивањето на „British Airways“ да го качат нивниот син Кевин во авион. Тој се движи со помош на инвалидска количка, му треба постојана медицинска грижа и постојано снабдување со кислород.

Во соопштението на британската компанија пишува дека на таков патник невозможно е да му се обезбеди сета неопходна безбедност за време на летот. Во вторникот на семејството Ченеис им била понудена услуга од повеќе компании, „Air France“ и „Swiss Air  “, но со оглед на тоа што поголемиот износ на пари го потрошиле, Рене Ченеис, таткото на момчето, бил принуден да ги одбие.