Едвард Сноуден наскоро ќе остане, народски кажано без „скршен денар“, бидејќи никогаш не ги продавал информациите до кои доаѓал...



„Заштедата што ја имаше е речиси целосно истрошена за храна, кирија, обезбедување, и.т.н.“, изјавил адвокатот на Сноуден, Анатолиј Кучерена, за „Rossijskaja Gazeta“.

Сноуден се потпира на организациите кои му нудат различни услуги, вклучувајќи ги и финансиските, рекол Кучерена, кој, како што тврди, и самиот се согласил бесплатно да му помогне на Сноуден, бидејќи во Русија нема никој свој.

Пасошот на Сноуден му истекол додека патувал од Хонг Конг во Москва, а единствениот начин да го продолжи е да оди во американската амбасада, но тој го одбива тоа, иако во Русија е слободен човек.

Освен недовербата на Сноуден, проблемот е и во Амбасадата на САД во Москва, која на адвокатот на Сноуден му соопштила дека неговиот пасош може да се издаде само за патување во САД.

Што се однесува до сведочењето на Сноуден пред германските истражувачи, адвокатот тврди дека испитувањето ќе се спроведе во Русија, бидејќи Германија е задолжена да и го испорача Сноуден на Америка, само ако „стапне“ на нејзината територија.

Сноуден го бараат од САД поради објавување на доверливи податоци, кој во моментов живее на непозната локација во Москва.