Италијанската полиција запленила имот од бизнисмен, вреден 300 милиони €, кој пријавил годишен приход од само 4 евра...

„Џовани Монтресор и неговата сопруга живееле поинаков начин на живот отколку што би се очекувало според објавените приходи“, изјавил полицаецот Франческо де Џакомо за АФП.

Во сопственост на Монтресор има многу хотели, викендички и имот низ северозападниот дел на Италија.

Овој бизнисмен од Верона пријавил приходи од 4€ во 2011 година, 5€ во 2010, 4€ во 2009 година, а неговата сопруга 3 € во 2011 година и 1€ во 2010 година.

Против Монтресор се водело истрага во 90-тите години за поткуп на локалните политичари, а во 2011 година поради сомнителни деловни договори.

Даночното затајување е голем проблем во Италија, што е главната причина зошто државната каса е скратена за повеќе милијарди евра годишно.