Палестинскиот лидер Јасер Арафат умрел од труење со радиоактивен полониум во 2004 година, рекла неговата вдовица Суха...



„Овде станува збор за вистински криминал, политичко убиство“, изјавила вдовицата на Арафат во Париз, по добивањето на извештајот од Институтот за радијациска физика на Универзитетот во Лозана. Таа додава дека сите сомневања се потврдени и научно е докажано дека Арафат не умрел од природна смрт, туку бил убиен.

Суха Арафат не обвинува личност ниту држава, признавајќи дека поранешниот лидер на Палестинската ослободителна организација (ПЛО) имал многу непријатели.

Специјалистите од Институтот во Лозана ги анализирал примероците земени од гробницата на Арафат во Рамала на Западниот Брег, по што мавзолејот е отворен во ноември минатата година.

Инаку, швајцарските научници откриле смртоносно ниво на полониум-201 во неговото тело, објавил телевизискиот канал Ал Џезира.