На аеродромот во Лос Анџелес е сниман драматичен момент, каде патниците бегаат во паника, додека напаѓачот Пол Ентони застрелал и убил еден федерален агент...



Агентите од Федералното биро за истраги го расветлуваат мотивот на вчерашниот инцидент од Меѓународниот аеродром LAX во Лос Анџелес, кога вооружен напаѓач отворил оган на терминалот и убил невооружен федерален агент, при што подоцна бил ранет и уапсен, пишува Ројтерс.

Неименуваниот извор изјавил дека федералната истрага настојува да утврди дали целта на напаѓачот биле невооружените агенти на TSA службата, која врши физичка проверка и контрола на патниците.

Властите го идентификувале осомничениот напаѓач, како 23-годишниот Пол Ентони, за кого изјавиле дека бил ранет во престрелката со полицијата на терминалот 3.

Напаѓачот вооружен со автоматска пушка вчера предизвикал паника и хаос во еден од најпрометните аеродроми во светот. Стотици патници панично бегале барајќи засолниште кога започнала престрелката.