Од денес (1 ноември) Германија ќе биде првата европска земја, која воведе трет "неопределен" пол за новороденчињата, соопштува "Шпигел"...

Родителите на децата ќе можат да остават празно поле во картонот за раѓање, во кое се наведува дали детето е момче или девојче, соопштија германските медиуми.

Станува збор за деца кои се родени со карактеристични и за двата пола.

Ова ќе им овозможи на родителите да не утврдат сами дали со идните операции и терапии детето ќе се претвори во девојка или момче. Законодавната промена им овозможува на родителите да не го дефинираат полот на бебето и така да им овозможат на децата родени со карактеристики и на двата пола, да одлучат дали сакаат да станат маж или жена.

Се очекува наскоро да бидат променети и личните карти во Германија. Во нив веќе во полето за род ќе може да се забележува и со "Х".

Според активисти, сепак овој потег е погрешен, бидејќи интерсексуалните луѓе ќе се соочат со еден куп проблеми во современиот свет, кој е полово поделен.

Според статистиката едно на 1500-2000 новороденчиња е интерсексуално.