Противниците на законот за казнување на клиентите на проститутките во Франција почнале да потпишуваат петиција со провокативна порака "Не допирајте ми ја курвата"...



„Сметаме дека секој има право слободно да ја продава својата магија“, па дури и да го сака тоа. Одбиваме властодршците да донесуваат стандарди за нашите желби и нашите задоволства“, пишува во петицијата, објавена од месечникот „Kozer“.

Предлог-законот предложен од страна на социјалистите, ќе се најде во парламентот кон крајот на ноември. Во него се предвидува парична казна од 1.500 евра за оние кои бараат услуги од проститутки. Казната двојно се зголемува ако станува збор за повторен прекршок.

Меѓу потписниците на петицијата се они, кои "оделе, одат или ќе одат кај курва".

„Хомо или хетеро, моногами или блудници, ние сме луѓе. Тоа нас не не прави фрустрирани, развратни или психопати, како што опишуваат симпатизерите на репресијата, преправени како борци за феминизмот“, пишува во петицијата.

Директорката на „Kozer“, Елизабет Леви, наведува дека потписниците на петицијата "не ја бранат проституцијата, туку слободата". А кога парламентот ќе се вмеша и ќе донесе норми во врска со сексуалноста, нашата слобода е загрозена", предупредува таа.

Потписниците ја именувале петицијата во "Манифестот на 343 перверзници", со што потсетуваат на манифестот за легализација на абортусот потпишан од вкупно 343 актери, уметници и интелектуалци во 1971 година. Тој манифест бил објавен под насловот "343 кучки".

„343 кучки во нивно време барале да можат слободно да располагаат со нивното тело. 343 перверзници го барале правото да располагаат со телото на некој друг. Мислам дека не се потребни никакви други коментари“, изјавил денеска портпаролот на владата, Нажат Вало Белкасам.