Вдовицата на претседателот на Југославија, Јосип Броз Тито, Јованка Броз беше погребана денес во Куќата на цвеќето...



Со почесна стража од Гардата на српската армија, припадници на државниот врв на Србија, како и околу 10.000 луѓе што ја почитуваат, пријатели, нејзиниот ковчег е положен во просторијата каде почива и нејзиниот сопруг Јосип Броз Тито. На погребот присуствувале голем број странски делегации.

Јованка Броз била погребанa во Куќата на цвеќето до гробот на Тито со песната "О, бела чао", една од нејзините омилени композиции, а на белиот мермер со златни букви било напишано "Јованка Броз 1924 - 2013".



„Во младоста и староста, и во богатство и во немаштија ја красеа гордост, чесност и достоинство“, рекол Горан Алексиќ, претставник од семејството на Јованка Броз. На Јованка и оддале почит нејзините сестри Нада Будисављевиќ и Зора Алексиќ, синовите на Зора, Горан и Зоран Алексиќ и внукот на Тито, Јошко Броз.



Премиерот Ивица Дачиќ, во својот проштален говор истакнал:

„За да се збогуваме на достоинствен начин со Јованка Броз, треба да кажеме, се збогуваме со Јованка Броз, првата југословенска дама. Јованка како да не постоеше пред нејзината смрт. Време е денес, кога се збогуваме со неа, да признаеме дека направивме грев и према Јованка и према нашата историја. Таа беше првата дама, нашата гордост и претставник на државата... Денес не се збогуваме само со Јованка Броз, денес се збогуваме и со ерата на Тито... Збогум Јованка Броз, прва дамо. Вечна ти слава“, биле зборовите на премиерот Ивица Дачиќ, кој рекол дека ниту еден од претставниците на владите на поранешна Југославија не дошол на погребот на поранешната прва дама.