17-годишната индиска девојка Аишвараја Дахивал ставила крај на својот живот, бидејќи нејзините родители и забраниле да користи Фејсбук. Трупот на девојката бил откриен во нејзина соба во семејниот дом во градот Парбхани, државата Махараштра...

Според информации од полицијата во средата родителите кренале скандал на својата ќерка и направиле остра забелешка така што и забраниле не само да користи компјутер за врска со Фејсбук, но и да престане по цел ден да разменува пораки со пријателите на својот мобилен телефон. По расправијата, девојката се заклучија во својата соба. Подоцна била откриена обесена, а до неа имало претсмртно писмо.

Полицијата ја испитува белешката во која Аишвараја го опишува скандалот поврзан со Фејсбук. Психолози тврдат дека се зачестени случаите на самоубиства, како резултат од ментални нарушувања, чии знаци пред тоа никогаш не се детектираат, па потенцијалните жртви не можат да се третираат.

Интернет е релативно слабо користен во Индија, но се очекува до крајот на 2013 година околу 200 милиони луѓе од населението на земјата, што е 1,2 милијарди, да бидат онлајн. Околу 3/4 од средношколците повеќе сакаат да комуницираат преку социјалните мрежи како Фејсбук, отколку по телефон, покажува истражувањето на Tata Consultancy Services.