Северна Кореја се заканила дека ќе отвори "безмилосен оган" против Јужна Кореја, доколку таа го оствари нејзиниот план за лансирање на гранати со пропагандни летоци на нејзината територија...



Јужнокорејски весник објавил минатата недела дека се работи на создавање на шупливи, не-експлозивни гранати, преку кои ќе се лансирале пропагандни летоци против Пјонгјанг, длабоко во територијата на северниот сосед, но, оваа информација не е официјално потврдена, пишува АФП.

Јужна Кореја, вклучувајќи ги и бегалците од Северна Кореја, и досега редовно испраќале пропаганден материјал со балони на север.

После кулминацијата во февруари годинава, тензиите меѓу двата соседи попуштија во последниве неколку месеци, но последните недели се интензивираа повторно, откако Сеул и Вашингтон се согласија за заедничка стратегија за она што тие го нарекуваат "растечка закана за севернокорејскиот нуклеарен напад".