Арнолд Шварценегер сака да се кандидира за претседател на САД во 2016 година...

66-годишниот актер, кој е роден во Австрија, се бори за промена на законот во Америка, па кандидатите родени во странство да можат да се кандидираат за водечка политичка улога. Ако тоа се случи, тој ќе може да учествува на изборите по три години и најверојатно да биде избран за лидер на земјата.

"Шварценегер отворено зборува дека се работи за промена на уставните правила, па да може да се кандидира за претседател во 2016 година. Тој е подготвен да поднесе правни документи за промена на правилата", соопшти извор за весникот " New York Post".

Уставот не дозволува на граѓани родени во странство да се кандидираат за претседател на САД, а евентуалната поправка треба да биде одобрена со двотретинско мнозинство во Претставничкиот дом и во Сенатот. Но, актерот стана американски државјанин во 1983 година и има право да побара промена.

Шварценегер отсекогаш имал политички амбиции. Тој стана гувернер на Калифорнија во 2003г., Откако победи на изборите и остана на функцијата два мандати, а потоа се врати во својата кариера во кино во 2011 година.