Жител на Њујорк беше сериозно повреден откако вц школката во неговиот апартман во Бруклин буквално експлодирала откако пуштил вода...
Мајкл Пјер добил бројни рани по лицето, рацете и нозете од големите парчиња порцелан, поради што бил шиен со 30 конци , рече неговиот адвокат. 58-годишниот специјалист по информатичка технологија е толку исплашен што за пуштање на водата користи јаже, што го повлекува од безбедно место зад вратата или надвор од бањата.
Повредени се и други жители на зградата, а сајтот на весникот "Daily News" го нарече инцидентот " порцеланска бомба".
Адвокатот рече дека ќе биде покрената тужба против компанијата која се грижи за зградата и судот ќе одлучи кој надомест ќе треба да му се плати на Пјер. Крајната цена на медицинската услуга и дали тој ќе има потреба од пластична операција уште не се познати, посочи адвокатот. "Очигледно во зградата има сериозен проблем", додаде тој.
Водата беше запрена во одредениот ден за поправка во 16-катната зграда со 275 станови, изградена во 1964 година.
Тереза Рaхт, адвокатка на компанијата, изјави дека станува збор за несреќен случај.
"Ова е ужасен инцидент. Ужасно е дека такво нешто може да се случи. Ова сигурно ќе ме натера да мислам два пати пред да пуштам вода во тоалетот, ако таа беше запрена".
Според неа, уште четири тоалети во зградата експлодирале, но докази за извршени прекршувања се уште не се утврдени.
"Такво нешто не се случило порано", категорична беше таа. Според неа, во цевките се има акумулирано воздушен притисок, што предизвика експлозија при пуштање на водата. "Тоа е типичен инцидент", категорично изјавила адвокатката.
