Поранешниот службеник на американската Национална агенција за безбедност (NSA), Едвард Сноуден, за прв пат е фотографиран откако добил право на азил во Русија...

На замаглената фотографија, која ја возбудила тамошната јавност, Сноуден е фотографиран после купување, како турка количка со прехранбени продукти.

Според страницата Lifenews.ru, поранешниот функционер на американската влада стои зад најголемите откритија за шпионажа досега. Тој е фотографиран во Москва, а тој заклучок е донесен врз основа на автомобилот, на кој делумно се читливи руски регистарски таблички и ознака за пешачки премин.

Од друга страна, адвокатот на Сноуден, Анатолиј Кучарена, не го оспорува фактот дека на фотографијата се наоѓа неговиот клиент, но ги отфрла тврдењата на Lifenews.ru, дека поранешниот соработник на ЦИА е фотографиран во рускиот главен град.

„Тој е на сликата, тоа е очигледно. Но не можете да тврдите дека е фотографиран во Москва, поради неколку неубедливи факти. Регистрицијата на автомобилот кој стои зад него, не може убаво да се види“, изјавил Кучарена, додавајќи Сноуден има деноноќно обезбедување.

„Тој не се крие, слободно може да се движи и покрај тоа што секој негов потег го надгледува обезбедувањето. Не заборавајте дека тој во моментов е најбараниот Американец во светот“, изјавил адвокатот.