Поранешен член на американската организација "Црни пантери", Херман Волис (71) починал денес, само три дена откако бил пуштен на слобода од затвор после 40 години поминати во самица поради убиство на затворски чувар...

Волис, кој секогаш негирал дека е вмешан во тоа убиство, починал како последица на рак на црниот дроб. "Иако тој на слобода беше кратко, многу му значеа последните три дена од животот поминати со семејството и пријателите", објавил неговиот тим бранители и додал дека неговите последни зборови биле "Слободен сум, слободен".

Волис бил член на "Анголската тројка", чиј случај привлекол меѓународно внимание поради долгиот временски период  во текот на кој членовите од таа група поминале во самица, по убиството на затворскиот чувар Брент Милер во 1972 година.

Волис бил пуштен од затвор бидејќи судијата му  ја укинал пресудата со која за убиство добил доживотна казна, со објаснување дека таа пресуда го прекршила неговото уставно право на фер судење.