Поранешната американска државна секретарка, Медлин Олбрајт, дала контроверзна изјава за Косово...



Поконкретно, Олбрајт вели дека акцијата на САД во Косово не е во согласност со Меѓународното право, вклучувајќи го и бомбардирањето без мандат на ОН, но сепак е правилно, соопштуваат американските медиуми.

Со оглед на паралелата меѓу Косовската криза во 1999 година и актуелната криза во Сирија, Олбрајт истакнала за Националното јавно радио на САД, дека постојат повеќе начини според кои САД може да спроведе воен напад врз сирискиот режим без одобрение на Советот за безбедност на светската организација.

„Мислам дека постојат голем број на различни начини да се направи тоа. Кога ќе прашате дали е тоа легално, искрено, да се вратам на Косово, системот во некоја смисла рече дека она што го направивме таму не е легално, но беше правилно“, изјавила Олбрајт.

„Отсекогаш верував дека е подобро да направиме нешто мултилатерално, отколку унилатерално. Но, постојат и други начини да се сфати сето тоа и да излезе од ќор-сокакот на Советот за безбедност“, додала Медлин Олбрајт.