Бразилките Џоана Паларес (18) и Жунка Михура (20) се уапсени бидејќи страсно се бакнале за време верска средба во градот Сан Себастијан...



Девојките се бакнувале додека зборувал свештеникот Марк Фелисијано пред дури 70.000 луѓе. Кога бесната маса кренала врева и кога камерите ги зумирале двете девојки, свештеникот го прекинал неговиот говор и побарал девојките да бидат уапсени.

„Не се обидувајте да побегнете. Обезбедувањето ќе ве фати. Ова не е место за она што го правите, ова е божја куќа“, рекол Фелисијано.

Инаку свештеникот е воедно и конгресмен, кој продолжил со осуда на девојките. Поединци од публиката ги нарекувале лезбејки, а други аплаудирале за нивниот бакнеж. Полицијата веднаш ги одвела девојките во полициска станица.

Според зборовите на нивниот адвокат, откако биле уапсени, полицијата сексуално ги злоставувала. Девојките велат дека не направиле ништо погрешно и дека за време на собирот се бакнале неколку пати.

„Собирот се одржа на јавно место и е финансиран од данокот што го плаќаат граѓаните. Имавме право да бидеме таму и да се бакнуваме“, изјавиле девојките преку адвокатот, кој додал дека на девојките им се повредени најмалку две уставни загарантирани права.

Бакнежот на Бразилките започнува во 4:20 од видеото.