Куќата во која израснал Стив Џобс, во Калифорнија во градот Лос Алтос, ќе стане музеј посветен на легендарниот основач на „Apple“...



Во гаражата на истата куќа Џобс го создал првиот компјутер. Куќата со скромен изглед веќе неколку години е место за љубителите на производите на компанијата со заштитен знак и лого во облик на гризнато јаболко.

Во таа куќа, поточно во нејзиниот гаража, пред 37 години е создаден „Apple“, еден од првите персонални компјутери во историјата на информатиката.

Џобс, кој тогаш имал 21 година, таму работел со часови, заедно со Стив Возниак. Таму заедно ги склопиле првите 50 компјутери кои компанијата „Apple“ ги лансира на пазарот.

Градските власти на Лос Алтос се одлучиле куќата на улица Крајст Драјв 2066 (Crist Drive) да ја претворат во музеј, веднаш штом калифорниските власти ќе ја прогласат за "градба со историско значење".