Тројца 14-годишници во Нови Сад на железничка станица клоцале патници, им ги земале торбите, ги прскале со солзавец и пред сите ги соблекувале панталоните, пишува 021.rs...



Полицијата поднела кривична пријава двајца, а третиот е во бегство.

Според зборовите на очевидци, најлошо поминал патникот од Бачка Јарка, Д.К., на кого го клоцале, потоа му ја зеле торбата, а на новосаѓанинот М.З. му прснале со солзавец во окото. Од полицијата велат дека во истиот ден ограбиле и сендвичара и кршеле ан игралиште за деца.

Сведоците велат дека сè се случило многу брзо, за само неколку минути тројцата основци направиле општа конфузија и хаос на станицата.

„Прво претрчаа преку пругата и дојдоа на перонот. Веднаш почнаа да ги соблекуваат панталоните пред патниците. Им ги покажуваа голите задници и ги шокираа сите присутни“, изјавила Кристина Шариќ, која истиот ден била со нејзиниот татко и тригодишната ќерка на перонот.



Шариќ раскажува и дека малолетниците малтретирале постар човек, кој читал весник на клупа. Од ведро небо едниот му го зел весникот, а другите двајца го удирале по глава.

„Кога човекот се обидел да стане, го бутнале на жичената ограда и побегнале со неговата патна торба. Татко ми почна да трча по нив, а тие ја фрлија торбата и се оддалечија од станицата“, додала таа.

Полицијата уапсила двајца во паркот, а третиот избегал.