Поранешниот претседател на САД, Бил Клинтон и американската Централна служба за информирање (ЦИА), следниот месец ќе објават документи за војната во поранешна Југославија, особено за Босна и Херцеговина, од која е отстранета етикетата "доверливо"...



Според американските медиуми, сараевскиот портал Klix.ba пишува дека ќе бидат објавени 300 нови разузнавачки документи за БиХ, до кои дошла ЦИА во периодот 1992-1995 година. Клинтон ќе ги претстави пред јавноста на увид на 1 октомври, во седиштето на неговата фондација во Њујорк.

Ова ќе биде прв пат поранешен претседател на САД да учествува во објавување на документи, кои до неодамна биле доверливи и до кои може да дојдат само одредени лица. "Arcansas News" пишува дека Клинтон ќе зборува за неговата улога и улогата на неговата администрација во спречувањето на крвопролевањето во поранешна Југославија, со посебен осврт на БиХ.