Нигериски работници кои уредувале грмушки, пронашле 143 тела од цивили, убиени од исламски екстремисти во североисточниот дел на земјата...



Претставникот на нигерското Министерство за екологија, Абдулазиз Коломи, рекол дека работниците пронашле и неколку обезглавени тела. Како што е соопштено од страна на странските агенции, во прашање се жртви на напад, кој се случил во вторник во текот на ноќта, на главниот автопат на местото Бенишејк, околу 70 километри североисточно од Борноа, главниот град на државата Маидугури.

Неименуван војник раскажал дека екстремистите со воени униформи нападнале 20 пик-ап возила со противавионски пушки и ги победиле војниците кои имале автоматски пушки и гранати.

Нигерската армија тврди дека речиси успеала да го задуши исламскиот бунт, од кој од 2009 година загинале стотици луѓе.