Двајца мажи добиле затворски казни за брутално тепање на бремена женка крокодил, на едно муслиманско светилиште во Бангладеш...

Судот им доделил две години затвор, па дури и тешка физичка работа, а женката крокодил, со име Pipil, во нападот на двајцата мажи го изгубила окото и добила тешки повреди. Двајцата насилници крокодилот го тепале со бамбусови стапови во април оваа година, покрај едно светилиште во кое има големо езеро и во кое живеат уште десетина други крокодили.

Двајцата напаѓачи им земале пари на туристите покажувајќи им ги крокодилите, а наводно женката крокодил ја претепале бидејќи не одговарала кога тие викале по неа. Локалните медиуми откриваат дека се убиени дури пет крокодили во последните десет години, а крокодилите се заштитени со закон во Бангладеш.