Сирискиот претседател Башар ал Асад за "Fox News" изјавил дека е подготвен да го предаде хемиското оружје на САД...



Асад поставил услов, ако САД плати една милијарда долари тогаш хемиското оружје ќе му биде предадено на САД. Освен тоа, Асад потврдил дека неговите сили не се одговорни за нападот со нервен гас, како и дека Сирија не е во тек со граѓанската војна, туку нејзините сили се борат против џихадистите од странство, кои се припадници на Ал Каеда.

„Трошоците за уништување на хемиското оружје изнесуваат околу една милијарда долари. Ова е комплицирана операција и за неа се потребни многу пари. Ако Владата на САД е подготвена да плати и да преземе одговорност за испораката на токсичниот материјал во САД, зошто да не им го продадеме“, изјавил Асад, додавајќи дека за уништување на хемискиот арсенал е потребна една година.