Зоран Н. (38) е уапсен за сексуално злоставување над девојче од 12 години, чиј татко го пријавил целиот случај во полиција...



„Осомничениот е обвинет дека во текот на годината неколку пати имал сексуални односи со детето К.Б. на возраст од 12 години“, соопштиле од полициската станица Пожаревац.

Според неофицијални информации, станува збор за девојче од Пожаревац, чиј татко ја алармирал полицијата.

„Таткото на девојката дознал за овој случај откако погледнал во мобилниот телефон на неговата ќерка. Заклучил дека нешто се случува меѓу неа и осомничениот, тој дошол во полициската станица и го предал нејзиниот мобилен уред. После тоа, осомничениот е пронајден и приведен во полициска станица на сослушување“, дознава српски Телеграф од истрагата.

За време на полициското сослушување осомничениот целосно го признал делото за кое е обвинет. Признанието го повторил и пред истражниот судија во Основниот суд во Пожаревац, кој му одредил притвор од 8 дена.