Стравотна сообраќајна несреќа се случила во Њујорк, кога возач на џип „подбрал“ три тинејџерки на тротоар...



Девојчињата Ешли Кан (13), Енџи Пена (13) и Марина Абадир (14) се враќале од училиште и се движеле по тротоар. Одеднаш ги удрил возач со автомобил со марка "Honda Pilot". Тинејџерките се моментално во болница и за среќа се уште се живи.



Страшниот удар го забележале безбедносни камери, а сведоците на несреќата велат дека е вистинско чудо што девојчињата не се убиени на лице место.



„Се се случи во дел од секундата. Џипот одеднаш сврте од улица и ја удри девојката на тротоарот. Вистинска среќа е што не се повредени повеќе луѓе“, кажуваат очевидци на несреќата.

Спасувачките екипи што дошле на местото на несреќата, изјавиле дека местото на настанот било страшно.



„Имаше големи локви од крв. Тоа е нешто што не сакате да го видите“, рекол еден од спасувачите. Тој додал дека девојките со сериозни повреди биле префрлени во болница. Сите три тинејџерки имале повеќе скршеници, а најтешко повредена е Енџи Пена, на која и е скршена карлицата и двете нозе.



Според американските медиуми, возачот што управувал со џипот предизвикал несреќа, затоа што наместо на педалот за сопирачката, притиснал на педалот за гас.