На крајот на август, момче во петто одделение основно училиште од Загреб, на својот Фејсбук профил објавило заканувачки статус...



„Со ова треба да се убие учителката!“, гласел статусот на детето, под кого имало слика од калашников. Ова било причина за итна акција од сите надлежни институции.

Родителите на сите ученици од петто одделение во ова училиште веднаш реагирале и испратиле отворено писмо до медиумите, министерот за образование, Жељко Јовановиќ, заканувајќи се дека ќе ги отпишаат нивните деца од училиште ако веднаш не се среди ситуацијата со проблематичното момче.

Веднаш била донесена одлука за одвојување на детето од дисфункционалното семејство. Момчето во придружба на мајка му било пренесено со брза помош во Психијатриската болница за деца и млади. Неговиот татко е приведен во полиција, поради поранешни пријави за семејно насилство.

Момчето за време на неговото школување променило три училишта поради проблематично однесување.