Канадска државјанка била уапсена во Колумбија откако се обидела да се качи на авион за Торонто со лажен стомак за трудница наполнет со кокаин...

Жената го привлекла вниманието на полицаецот на меѓународниот аеродром во Богота, кој ја прашал во кој месец од бременоста е моментално. Жената реагирала агресивно, што предизвикало сомневање при што и било извршено претрес.

Полицијата пронашла две вреќи со по два килограми кокаин скриен во лажниот стомак, а криумчарката и се закануваат осум години затвор.

Од почетокот на годината речиси 150 лица кои поседуваат дрога се уапсени на аеродромот во Богота.

Според податоците на колумбиските власти, речиси третина од упасените се странски државјани.

Жената ќе биде оптужена за шверц, поседување и производство на дрога и ќе се соочи со затворска казна во траење меѓу 5 и 8 години.