Атеистите можат да носат морални одлуки, исто како и религиозните луѓе, рекол папата Фрањо...



„Луѓето што не веруваат во Бога треба да ја слушаат својата совест“, изјавил папата, додавајќи дека е грев за оние кои не се верници да работат против сопствената совест, пишува АФП.

Папата Фрањо напоменува дека со слушањето на својата совест и одлучувањето, човекот добро знае што е добро, а што зло.

Писмото на папата е одговор на прашањата кои ги поставил основачот на "Република" во текот на јули и август, Еугенио Скалфари, кој признал дека не е верник.

Откако беше избран во март годинава, папата Фрањо повторил повеќе пати дека неговиот збор сака да биде слушнат и од припадниците на другите религии, како и луѓето што не веруваат.