Индиската полицајка (27) била уште една од многуте жртви на брутално групно силување додека автомобилот ја носел починатата сестра до крематориумот...



Група на мажи вооружени со секири го запреле возилото во кое биле таа и нејзиното семејство со телото на починатата сестра. Најпрво барале пари и скапоцени материјали.

Кога виделе дека патниците немаат ништо, збеснале и ја силувале несреќната девојка. Не помогнале молбите од таткото и братот на девојката, кои рекле дека моментално ги транспортираат смртните останки од член на семејството.

Гневните разбојници ја однеле девојката во блиската шума и ја силувале сите по ред, заканувајќи им се на целото семејство дека ако некој се спротивстави, ќе има уште мртви.

Јавноста е згрозена и гневна, но тоа воопшто не е никаква помош и нема да го промени секојдневието на повеќето Индијки, смета оваа несреќна жена, самохрана мајка на 2 деца. И покрај заканите таа ги пријавила силувачите и ги препознала меѓу осомничените во полициската станица, така што се обвинети за грабеж и силување. Сега се надеваат дека ќе ги стигне правдата!

Во спроведена анкета во шест азиски земји, објавено од списанието "Lancet Global Health", речиси 1/4 од вкупно 10.000 мажи признале дека барем еднаш во животот извршиле силување.