Сопругата на поранешниот претседател на Југославија Јосип Броз Тито, Јованка Броз (89), која од 23 август е во болница, наскоро ќе биде пуштена на домашно лекување...
Шефот на службите за информации од јавен карактер на Ургентниот центар, Зорица Марковиќ, вели дека Јованка се чувствува добро и дека нејзината здравствена состојба е стабилна.
„Таа е стабилна, под постојан лекарски надзор, а се уште не се знае кога ќе биде пуштена, тоа зависи од лекарската проценка. Од приемот до денес, таа релативно добро се опоравува. Се уште е во Ургентниот центар“, изјавила Марковиќ.
Се уште не се знае каде ќе престојува вдовицата на Тито после отпуштањето од болница, но сигурно е дека поради лоши услови нема да се врати во својата вила. Како што споменуваат некои медиуми, државата ќе и обезбеди нов дом, за што бил задолжен министерот за трговија и телекомуникации, Расим Љајиќ.
