Кина влезе во топ три на најголемите инвеститори во светот за прв пат минатата година, откако странските инвестиции регистрираа нов рекорд, објави владата...

Странските директни инвестиции на азискиот гигант се зголемиле за 17,6 % минатата година од 87,8 милијарди долари во 2011 година, објавија во заедничкото соопштение Министерството за трговија, Националната статистичка агенција и Државната администрација за надворешни размена.

Како целина, странските директни инвестиции се намалиле за 17 % и контрастниот развој ја претвори Кина во еден од трите најголеми инвеститори во светот, се вели во соопштението. Во 2011 година странските инвестиции се зголемиле само за 8,5 % поради слабото закрепнување на светската економија на позадината на финансиските турбуленции во Европа и САД.

Пекинг стимулира кинески компании да "излезат во странство", бидејќи економијата на земјата прегрева. Владата си постави за цел директните странски инвестиции да растат со просечна годишна стапка од 17% до 2015 година или 150 милијарди долари. Водечка дестинација за кинеските странски инвестиции минатата година бил Хонг Конг, а САД се искачи до второто место со инвестиции за 4,05 милијарди долари, раст со 123,5 % во однос на 2011 година.

Кон крајот на 2012 година кинеските компании имале 1,49 милиони вработени во странство, околу половина од кои се странски државјани, се вели уште во соопштението.