За прв пат Владата на Сирија понудила награда за секој што ќе фати "странски терорист", како што сириските власти ги нарекуваат бунтовниците кои сакаат да го соборат претседателот Башар Ал Асад...
Во кратката изјава за сириската телевизија, властите понудиле 500.000 сириски фунти, околу 3.000 евра за секој што ќе им доведе "несириски терорист" и 200.000 сириски фунти за оној што ќе им даде информации каде се наоѓаат такви терористи или на некој начин ќе им помогне за да го фатат, пишува Ројтерс.
Државните медиуми објавиле дека идентитетот на оние што ќе обезбедуваат такви информации бил чуван во тајност, а нивната "заштита ќе биде обезбедена". Тие исто така дале можност за амнестија за бунтовниците кои ќе дадат информации за нивните соборци.
