Најмалку пет цивили се убиени во судирите помеѓу противниците и поддржувачите на соборениот претседател Мохамед Мурси во неколку градови во Египет, соопштило денес египетското Министерство за здравство...



Три лица загинале во судирите во областа на Гиза во Каиро, едно лице го загубило својот живот во градот Порт Саид, а едно во провинцијата Шарки, се вели во соопштението.

Илјадници приврзаници на Мурси протестирале вчера во Каиро и други египетски градови, со барања да се врати соборениот претседател на власт.

За да ја растера групата демонстранти полицијата употребила солзавец.

АФП наведува дека Муслиманското братство, кои се главните организатори на протестите, ја изгубиле моќта да ги соберат граѓаните, затоа што голем број на лидери од истото исламистичко движење се уапсени изминатите две недели.

Мурси, првиот демократски избран претседател во Египет бил на функција само 1 година пред да биде соборен со воен удар на 3 јули. Тој сега е во затвор, обвинет е за повеќе точки, вклучувајќи убиство и тортура на демонстранти.