Новиот претседател на Парагвај, Хорасио Картес (Horacio Cartes), еден од најбогатите луѓе во земјата, ќе ја донира платата за наредните пет години за црковната општина Сан Рафаел, кој ја поддржува Клиниката за смртно болни пациенти и болни деца во Асунсион, соопшти неговиот портпарол во неделата...

Новиот шеф на државата на Парагвај, Хорасио Картес (Horacio Cartes), кој ја презеде функцијата минатиот четврток за време на предизборната кампања вети дека ќе ја донира својата плата, која е еднаква на околу 7.500 евра месечно.

Со доаѓањето на власт конзервативецот објави војна на сиромаштијата во земјата. Во Парагвај сиромашните се 39% од населението. Од нив 19% живеат во крајна беда.

Картес ги изненади сите како формира влада од експерти, а не политички фигури. Ова негова акција предизвика незадоволство во неговата сопствена партија Колорадо (Colorado).