Младичот кој го претепале двајца крадци, сега добил нов череп направен од титаниум...

Steve Gater, 26-годишниот Британец добил метална плочка, замена за челото кое го изгубил во брутален напад. Steve добил оштетување на мозокот и нарушување на черепот откако го нападнале двајца млади крадци, пред една година. "Убаво е да го видиме со череп. Сега е прашање на градење на доверба и ќе направиме се да се чувствува безбедно. Неговиот мозок до сега го штитеше само кожата", рекла неговата мајка.

Ужасниот напад се случил кога тој се враќал од работа на 15 јануари. Го нападнале двајца крадци, 18-годишник и 17-годишник. Бил во кома две недели, а лекарите биле принудени да отстранат дел од неговиот мозок и дел од черепот.  Сега страда од чести напади, тешкотии при зборување и често го губи сеќавањето. Полицијата ги обвини двајцата тинејџери за нападот, но судот го отфрли случајот, бидејќи немале доволно докази.