Обожавателите на легендарниот Елвис Присли се собрале како и секоја година во Грејсленд во чест на кралот на рокенролот со бдеење и свеќи, по повод 36-годишнината од неговата смрт...

Минатата ноќ илјадници обожаватели со запалени свеќи се движеле во тишина преку Градината за медитација во Грејсленд, домот на присли во Мемфис. Во градината се наоѓа неговиот гроб, како и гробовите на мајка му, татко му и баба му, пишува АП.



Присли починал на 16-ти август во 1977 година од срцев удар.



Бдението започнало како неофицијален собир една година после неговата смрт, а подоцна станало голема туристичка манифестација. Фановите сега се собираат пред Грејсленд во 12 часот пред бдението и многумина остануваат до раните утрински часови.