Лиса Робин Кели, која ја играше сестрата на Ерик, Лори, почина после долга борба со болестите на зависноста...

Таа имаше 43 години, и долги години се бореше со зависноста од дрога. Пронајдена е мртва во работилницата во еден центар за рехабилитација во Калифорнија, во кој престојувала изминативе недели.

Плавокосата глумица се прослави како сестрана Ерик Форман од серијата "Луди 70-ти", но нејзиниот успех беше во сенка поради проблемите со дрогата и алкохолот. Ја глумеше Лори четири сезони, потоа нејзиниот лик беше исфрлен, затоа што Лори наводно отишла во козметичко училиште.

Се врати на кратко во петата сеозна, но во шестата ја замени Кристина Мур.

"Сама бев виновна. Пиев, се дрогирав и побегнав од се", рекла Кели по извесно време.

Повеќе пати беше уапсувана поради пијанство, нарушување на јавниот ред и мир, па дури и за напад затоа што се степа со сопругот. Во центарот за рехабилитација престојувала доброволно, но стручњаците не успеале да ја спасат. Истрагата за нејзината смрт е во тек.